వచ్చే నెల 1 నుంచి కరోనా వైరస్ వ్యాక్సిన్‌ను 60 ఏళ్ల పైబడిన వారికి కూడా ఇవ్వనున్నట్లు కేంద్ర మంత్రి ప్రకాశ్ జవదేకర్ బుధవారం వెల్లడించారు. అంతేకాదు రెండు, అంతకన్నా ఎక్కువ వ్యాధులతో బాధపడుతున్న 45 ఏళ్ల పైబడిన వ్యక్తులకు కూడా ఇస్తామని చెప్పారు. దేశవ్యాప్తంగా 10 వేల ప్రభుత్వ, 20 వేల ప్రైవేటు వ్యాక్సినేషన్ సెంటర్లలో వ్యాక్సిన్ వేయనున్నట్లు తెలిపారు.
From March 1, people above 60 years of age and those above 45 years of age with comorbidities will be vaccinated at 10,000 govt & over 20,000 private vaccination centres. The vaccine will be given free of cost at govt centres: Union Minister Prakash Javadekar#COVID19 pic.twitter.com/Rxhkkk8eSC
— ANI (@ANI) February 24, 2021
ప్రభుత్వ సెంటర్లలో ఉచితంగా వ్యాక్సిన్ ఇస్తామని స్పష్టం చేశారు. ప్రైవేటు ఆసుపత్రులలో వ్యాక్సిన్ వేసుకోవాలని అనుకునే వాళ్లు డబ్బులు చెల్లించాలని జవదేకర్ చెప్పారు. దీనికోసం ఎంత డబ్బు చెల్లించాలో వచ్చే మూడు, నాలుగు రోజుల్లో ఆరోగ్య శాఖ నిర్ణయిస్తుందని ఆయన తెలిపారు.
