Read also:
రిలయన్స్ జియో ఫైబర్ ప్లాన్ల గురించి గురించి వినియోగదారులు ఎంతగానో ఎదురుచూశారు. అయితే రిలయన్స్ జియో వద్ద వినియోగదారులను మరింత ఆకర్షించిన మరో అంశం ఏంటంటే.. జియో సెట్-టాప్ బాక్స్. అంతేకాకుండా తన వినియోగదారులకు ఐపీటీవీ సబ్ స్క్రిప్షన్ అందిస్తామని కూడా జియో పేర్కొంది. వీటితో పాటు ఓటీటీ సబ్ స్క్రిప్షన్లను అందిస్తామని కూడా జియో పేర్కొంది. అయితే లాంచ్ అయ్యి నెలలు గడిచినా కూడా జియో ఓటీటీ యాప్స్ సబ్ స్క్రిప్షన్ ను ఎప్పుడు అందిస్తుందనే విషయం వినియోగదారులకు తెలియలేదు. కానీ ఈ మధ్య కాలంలోనే తన వినియోగదారులకు వూట్, హాట్ స్టార్, కొన్ని ఇతర యాప్స్ కు సంబంధించిన సబ్ స్క్రిప్షన్ ను ఈ మధ్యనే జియో తన వినియోగదారులకు అందించింది.
తాజాగా ఈ జాబితాలో జీ5 కూడా చేరింది. అవును.. జీ5కు చెందిన సబ్ స్క్రిప్షన్ ను కూడా జియో ఫైబర్ తన వినియోగదారులకు అందించడం ప్రారంభించింది. జీ ఎంటర్ టైన్ మెంట్ సంస్థకు సంబంధించిన ఓటీటీ యాపే ఈ జీ5. అంటే ఈ ఒక్క యాప్ సబ్ స్క్రిప్షన్ మన వద్ద ఉంటే దేశవ్యాప్తంగా జీ నెట్ వర్క్ ద్వారా ప్రసారమయ్యే కార్యక్రమాలన్నీ ఈ యాప్ ద్వారా చూడవచ్చు.
ఈ యాప్ సబ్ స్క్రిప్షన్ నెలవారీ చార్జీలు రూ.99గానూ, వార్షిక చార్జీలు రూ.999గానూ ఉన్నాయి. హాట్ స్టార్, వూట్, సోనీ లివ్, జియో సినిమా వంటి ఓటీటీ యాప్స్ ను జియో ఫైబర్ ఇప్పటికే అందిస్తోంది. అయితే ఈ ఓటీటీ యాప్ సబ్ స్క్రిప్షన్ ను పొందాలంటే.. మీరు కనీసం రూ.849 ప్లాన్ ను సబ్ స్క్రైబ్ చేసుకుని ఉండాలి.
అయితే ఈ ప్లాన్ ద్వారా కేవలం మూడు సార్లు మాత్రమే ఈ లాభాలను పొందగలరు. వీటిని పూర్తిస్థాయిలో పొందాలంటే మాత్రం రూ.1,299 గోల్డ్ ప్లాన్ లేదా దాని కంటే పై ప్లాన్ ను సబ్ స్క్రైబ్ చేసుకోవాల్సి ఉంటుంది. ఈ ప్లాన్ ద్వారా అందే లాభాలను గమనిస్తే.. 250 ఎంబీపీఎస్ వేగంతో 500 జీబీ డేటాను అందిస్తారు. వీటితో పాటు టీవీ వీడియో కాలింగ్, గేమింగ్, హోం నెట్ వర్కింగ్, డివైస్ సెక్యూరిటీ వంటి ఫీచర్లు కూడా ఇందులో ఉన్నాయి. అయితే ఈ ప్లాన్ ను ఒకేసారి రెండు సంవత్సరాల పాటు సబ్ స్క్రైబ్ చేసుకుంటే 24 అంగుళాల హెచ్ డీ టీవీని ఉచితంగా పొందవచ్చు. మీరు డేటా లాభాలతో పాటు ఓటీటీ యాప్స్ ను కూడా పొందాలనుకుంటే జియో గోల్డ్ ప్లాన్ ను సబ్ స్క్రైబ్ చేసుకోవడం ఉత్తమం.
