Read also:
బ్యాంకుల పనివేళల్లో మార్పు! ఇక అన్ని బ్యాంకులకు ఒకే టైమ్‌?
ప్రధానాంశాలు:
మీకు బ్యాంక్ అకౌంట్ ఉందా? అయితే త్వరలో మీకు ఒక గుడ్ న్యూస్ అందనుంది. ఎస్‌బీఐ సహా ప్రభుత్వ రంగ బ్యాంకులన్నింటికీ ఒకే పనివేళలు అమలులోకి రానున్నాయి. కేంద్ర ప్రభుత్వం ఈ దిశగా నిర్ణయం తీసుకోనుంది.
- బ్యాంక్ ఖాతాదారులకు మరో తీపికబురు రాబోతోంది.
- ఇక ప్రభుత్వ రంగ (పీఎస్‌బీ) బ్యాంకులన్నీ ఒకే టైమ్కు తెరవనున్నారు.
- అలాగే ఒకే టైమ్కు క్లోజ్ చేయవచ్చు.
- దేశవ్యాప్తంఉన్న అన్ని ప్రభుత్వ బ్యాంకులకు ఇది వర్తిస్తుంది.
బ్యాంక్ కస్టమర్లకు శుభవార్త అందనుంది. ఇక బ్యాంకులన్నీ ఒకే టైమ్కు తెరుస్తారు. అలాగే ఒకే టైమ్కు క్లోజ్ చేస్తారు. దేశవ్యాప్తంగా ఉన్న ప్రభుత్వ రంగ బ్యాంకులన్నీ ఒకే పనివేళ్లలో పనిచేనున్నాయి. ఈజ్ 2.0 ప్రోగ్రామ్‌లో (ఎన్‌హ్యాన్స్‌డ్ యాక్సెస్ అండ్ సర్వీస్ ఎక్సలెన్స్) భాగంగా కేంద్ర ప్రభుత్వం ఈ నిర్ణయం తీసుకోవాలని భావిస్తోంది.
బ్యాంకర్స్ ప్యానెల్‌ ఇప్పటికే మూడు టైమింగ్ స్లాట్స్‌ను ప్రతిపాదించింది. ఉదయం 9 నుంచి సాయంత్రం 3 గంటల వరకు, ఉదయం 10 గంటల నుంచి సాయంత్రం 4 గంటల వరకు, ఉదయం 11 గంటల నుంచి సాయంత్రం 5 గంటల వరకు అనేది టైమింగ్ స్లాట్స్. వీటిల్లో బ్యాంకులన్నీ నచ్చిన ఒక టైమింగ్ స్లా్‌ట్‌ను ఎంచుకోవలసి ఉంది.
బ్యాంకులకు మూడు టైమింగ్ స్లాట్స్ అందుబాటులో ఉన్నాయి. వీటిల్లో ఏదో ఒకటి ఎంచుకోవాల్సి ఉంది. ఒక ప్రాంతంలో ఒక బ్యాంక్ ఒక టైమ్‌ను ప్రారంభమైతే, మరొక బ్యాంక్ వేరొక టైమ్కు తెరుస్తున్నారు. దీంతో ఖాతాదారులు గందరగోళానికి గురవుతున్నారు. అందువల్ల అన్ని బ్యాంకులకు ఒకే టైమ్‌ ఉండాలి భావిస్తున్నాం’ అని ఇండియన్ బ్యాంక్స్ అసోసియేషన్ (ఐబీఏ) సీఈవో వి.జి.కన్నన్ తెలిపారు. దాదాపుగా చాలా వాణిజ్య బ్యాంకులు 10:30 లేదా 11 గంటలకు ఓపెన్ అవుతున్నాయని పేర్కొన్నారు.
బ్యాంకులు స్టేట్ లెవెల్ బ్యాంకర్స్ కమిటీతో చర్చించి అభిప్రాయాలు తెలియజేయాలని కన్నన్ తెలిపారు. ఈ ఏడాది జూన్‌లో ఆర్థిక మంత్రి శాఖ, పీఎస్‌బీ చీఫ్‌ల మధ్య జరిగిన మీటింగ్‌లో ఈ అంశం చర్చకు వచ్చింది. తర్వాత ఐబీఏకు కేంద్ర ప్రభుత్వానికి మధ్య మరో సమావేశం జరిగింది. దీని తర్వాత ఐబీఏ చైర్మన్ సారథ్యంలో బ్యాంకింగ్ టైమింగ్స్‌పై ఒక సబ్ కమిటీ ఏర్పాటైంది.
