Read also:
Chandrayaan2 online registrations
చంద్రయాన్-2'ను ప్రత్యక్షంగా చూడాలనుకుంటున్నారా? హైదరాబాద్ : యావత్ భారతీయుడు ఎప్పుడెప్పుడా అని ఎదురుచూస్తున్న చంద్రయాన్-2 ప్రయోగాన్ని ఈనెల 22న చేపట్టనున్న విషయం తెలిసిందే. ఈ మేరకు ఇస్రో అధికారికంగా ప్రకటించింది. అత్యంత ప్రతిష్టాత్మక ప్రయోగాన్ని ప్రత్యక్షంగా వీక్షించేందుకు ఇస్రో ఔత్సాహికులకు అవకాశం కల్పిస్తోంది. ఈ మేరకు శుక్రవారం సాయంత్రం 6గంటల నుంచి రిజిస్ట్రేషన్లు ప్రారంభం కానున్నాయి. ఈ విషయాన్ని ఇస్రో ట్వీట్ చేసింది. వీక్షకుల గ్యాలరీ నుంచి ఈ ప్రయోగాన్ని చూడొచ్చని తెలిపింది. ఈ మేరకు ఆన్ లైన్ రిజిస్ట్రేషన్ సౌలభ్యాన్ని కల్పిస్తున్నట్లు పేర్కొంది. ఇందుకోసం ఇస్రో హెల్ప్ లైన్ నంబరును కూడా ప్రవేశపెట్టింది. ఈ విషయంలో ఎవరికైనా సందేహాలుంటే 91-7382768500 నంబరుకు ఫోన్ చేయవచ్చు. ఇస్రో అధికారిక వెబ్ సైట్ లో ఇప్పటికే రిజిస్ట్రేషన్ లింక్ ను ఉంచింది. కానీ ఇది సాయంత్రం _6గంటల తర్వాతే ఓపెన్ అవుతుంది.
For Registration checkout here