Read also:
దక్షిణ ఆస్ట్రేలియా వర్సిటీ పరిశోధనలో వెల్లడి
బరువు పెరగడం, జ్ఞాపకశక్తి మందగించడం వంటి దుష్పరిణామాలు
బేకరీ ఉత్పత్తుల్లో ఎక్కువగా స్వీటెనర్ల ఉపయోగం
లో కేలరీ కలిగిన కృత్రిమ చక్కెర (స్వీటెనర్)లను ఉపయోగించే వారికి టైప్-2 మధుమేహం వచ్చే అవకాశం ఉన్నట్టు దక్షిణ ఆస్ట్రేలియా యూనివర్సిటీ శాస్త్రవేత్తలు జరిపిన అధ్యయనంలో తేలింది. పరిశోధనలో భాగంగా స్వీటెనర్‌ను ఉపయోగించే 5 వేల మంది ఆరోగ్య ఫలితాలను కొన్ని సంవత్సరాల పాటు విశ్లేషించిన అనంతరం అధ్యయనకారులు ఈ నిర్ణయానికి వచ్చారు. బేకరీ ఉత్పత్తుల్లో ఎక్కువగా ఈ స్వీటెనర్లను వాడుతుంటారు.
స్వీటెనర్ల ప్రభావంతో శరీరంలోని హానిచేయని బ్యాక్టీరియా స్వరూప స్వభావాల్లో మార్పులు జరుగుతున్నట్టు శాస్త్రవేత్తలు గుర్తించారు. ఆ ప్రభావం టైప్-2 మధుమేహానికి దారి తీయడంతోపాటు అధిక బరువు ముప్పు కూడా ఉంటుందని అధ్యయనంలో తేలింది. అంతేకాదు, స్వీటెనర్‌కు అలవాటు పడిన వృద్ధుల్లో జ్ఞాపకశక్తి తగ్గడం, గుండెపోటు వంటి సమస్యలు కూడా వచ్చే ప్రమాదం ఉందని అధ్యయనంలో తేలినట్టు నిపుణులు తెలిపారు.
