Read also:
ఇండియా పోస్ట్ నుంచి మొబైల్ బ్యాంకింగ్ సేవలు
దీంతో స్మార్ట్‌ఫోన్ నుంచే అకౌంట్‌ను యాక్సెస్ చేయవచ్చు
గూగుల్ ప్లేస్టోర్ నుంచి యాప్ డౌన్‌లోడ్ చేసుకోవాలి
తర్వాత యూజర్ ఐడీ, పాస్‌వర్డ్ సాయంతో లాగిన్ అవ్వాలి
- ఇండియాపోస్ట్ పేమెంట్స్ బ్యాంక్ (ఐపీపీబీ) తన కస్టమర్లకు ఇంటర్నెట్ బ్యాంకింగ్, మొబైల్ బ్యాంకింగ్ సేవలు అందిస్తోంది. అంతేకాకుండా ఎస్ఎంఎస్ బ్యాంకింగ్, మిస్‌డ్ కాల్ బ్యాంకింగ్, క్యూఆర్ కార్డు వంటి పలు సర్వీసులు కూడా ఆఫర్ చేస్తోంది.
- మొబైల్ యాప్ సాయంతో మొబైల్ బ్యాంకింగ్ సర్వీసులు పొందొచ్చు. దీంతో కస్టమర్లు ఐపీపీబీ అకౌంట్ చెక్ చేసుకోవచ్చు. మొబైల్ బ్యాంకింగ్ సర్వీసులు ఎలా రిజిస్టర్ చేసుకోవాలో చూద్దాం..
- బ్యాకింగ్ సర్వీసులను యాక్టివేట్ చేసుకోవడానికి ముందుగా ఐపీపీబీ మొబైల్ బ్యాంకింగ్ యాప్‌ను డౌన్‌లోడ్ చేసుకోవాలి. గూగుల్ ప్లేస్టోర్ నుంచి ఈ యాప్‌ను ఉచితంగానే డౌన్‌లోన్ చేసుకోవచ్చు.
- యాప్‌ను ఓపెన్ చేస్తూనే మీకు లాగిన్ ఆప్షన్ కనిపిస్తుంది. యూజర్ ఐడీ, అకౌంట్ నెంబర్, పుట్టిన తేదీ, మొబైల్ నెంబర్ వంటి వివరాల సాయంతో మొబైల్ బ్యాంకింగ్‌కు రిజిస్టర్ చేసుకోవాలి.
- ఒకవేళ మీ వద్ద ఈ వివరాలు లేకపోతే ఓపెన్ యూవర్ అకౌంట్ నౌ అనే ఆప్షన్ కనిపిస్తుంది. దీనిపై క్లిక్ చేయాలి.
- మొబైల్ నెంబర్, పాన్ నెంబర్ ఎంటర్ చేయాలి. మీ రిజిస్టర్డ్ మొబైల్ నెంబర్‌కు ఓటీపీ వస్తుంది. ఎంటర్ చేయాలి.
- తర్వాతి పేజ్‌లో ఆధార్ నెంబర్ ఎంటర్ చేయాల్సి ఉంటుంది. ఇప్పుడు మీ రిజిస్టర్డ్ మొబైల్ నెంబర్‌కు మళ్లీ ఓటీపీ వస్తుంది. ఎంటర్ చేస్తే అకౌంట్ క్రియేట్ అవుతుంది. వివరాలు మీకు ఎస్ఎంఎస్ వస్తాయి.
- తర్వాత మళ్లీ యాప్‌ను ఓపెన్ చేసి లాగిన్ అవ్వాలి. ఇక్కడ అకౌంట్ నెంబర్, కస్టమర్ ఐడీ, పుట్టిన తేదీ, మొబైల్ నెంబర్ వంటి వివరాలను ఎంటర్ చేయాలి. ఇప్పుడు మొబైల్ బ్యాంకింగ్ కోసం రిజిస్టర్ చేసుకోవాలి. ఎంపిన్ సెట్ చేసుకోవాలి.
మొబైల్ బ్యాంకింగ్ ప్రయోజనాలు.
✺ ఐపీపీబీ సేవింగ్స్ అకౌంట్ బ్యాలెన్స్, స్టేట్‌మెంట్ చెక్ చేసుకోవచ్చు.
✺ ఇతర ఐపీపీబీ అకౌంట్లకు డబ్బులు ట్రాన్స్‌ఫర్ చేయొచ్చు.
✺ ఐఎంపీఎస్ ద్వారా ఏ ఇతర బ్యాంకులకైనా డబ్బు పంపొచ్చు.
✺ మనీ ట్రాన్స్‌ఫర్ కోసం బెనిఫీషియరీని యాడ్ చేసుకోవచ్చు.
✺ మొబైల్ అండ్ డీటీహెచ్ రీచార్జ్‌లు సహా ఇతర బిల్లులు చెల్లించొచ్చు.
✺ ఈస్టేట్‌మెంట్ కోసం ఈమెయిల్‌ను రిజిస్టర్ చేసుకోవచ్చు.
✺ కరెంట్ అకౌంట్ కలిగిన వారు చెక్‌బుక్ కోసం రిక్వెస్ట్ పెట్టుకోవచ్చు.
