Read also:
మీకు ఈపీఎఫ్ అకౌంట్ ఉందా? ప్రతి నెలా మీ జీతం నుంచి కొంత మొత్తం పీఎఫ్ ఖాతాకు జమవుతోందా? అయితే ఇప్పుడు మీరు ఉద్యోగం మారారా? పీఎఫ్ డబ్బులు తీసుకోవాలని ప్లాన్ చేస్తున్నారా? అయితే ఆగండి.ఉద్యోగం మారినప్పుడు పీఎఫ్ డబ్బులు విత్‌డ్రా చేస్తున్నారా?అయితే మీరు కొన్ని విషయాలు తెలుసుకోవాలిజాబ్ మారినప్పుడు ఈపీఎఫ్ డబ్బులు తీసుకుంటే పలు ప్రయోజనాలు మిస్ అవుతాంఅవేంటో తెలుసుకోండి
ప్రైవేట్ రంగంలో ఉద్యోగం మారడం సాధారణమైన అంశమే. అధిక వేతనం, మంచి ఉద్యోగం వంటి పలు ఇతరత్రా అంశాల నేపథ్యంలో చాలా మంది జాబ్ మారుతూ ఉంటారు. ఉద్యోగం మారడానికి కారణం ఏదైనాసరే మారిన తర్వాత ఎంప్లాయీస్ ప్రావిడెంట్ ఫండ్ (EPF) డబ్బులు మాత్రం విత్‌డ్రా చేసుకోవద్దు. పీఎఫ్ విత్‌డ్రా చేసుకోకుండా, డబ్బును ట్రాన్స్‌ఫర్ చేసుకోండి.
పన్ను పడుద్ది
పీఎఫ్ డబ్బులను ఐదేళ్లలోపు తీసుకుంటే పన్ను చెల్లించాల్సి వస్తుంది. ఉద్యోగంలో చేరి ఐదేళ్లలోపు పీఎఫ్ డబ్బులను విత్‌డ్రా చేస్తే ట్యా్క్స్ పడుతుంది. అంతేకాకుండా ఇన్‌కమ్ ట్యాక్స్ చట్టం సెక్షన్ 80సీ కింద పొందే పన్ను ప్రయోజనాలు కూడా కోల్పోతారు. పీఎఫ్ డబ్బును ట్రాన్స్‌ఫర్ చేసుకుంటే అప్పుడు ఎలాంటి పన్ను ఉండదు.
పెన్షన్ ప్రయోజనాల సంగతేంటి
ఈపీఎస్ సభ్యులు పెన్షన్ పొందాలంటే వారి ఈపీఎస్ అకౌంట్‌కు పదేళ్ల వరకు కంట్రిబ్యూషన్ చేసి ఉండాలి. 58 ఏళ్ల తర్వాత పదవీ విరమణ తర్వాత పెన్షన్ పొందొచ్చు. 58 ఏళ్ల కన్నా ముందుగానే రిటైర్మెంట్ అయితే (10 ఏళ్ల కంట్రిబ్యూషన్ పూర్తయిన తర్వాత) అప్పుడు కూడా వీరికి పెన్షన్ లభిస్తుంది.
20 ఏళ్లకు పైన ఈపీఎఫ్ కంట్రిబ్యూషన్ కలిగి ఉంటే అప్పుడు పెన్షనబుల్ సర్వీస్ కింద రెండు బోనస్ ఇయర్లు యాడ్ అవుతాయి. ఈ సందర్భంలో మంత్లీ పెన్షన్ పెరుగుతుంది. అందుకే ఉద్యోగం మారినప్పుడు పీఎఫ్ డబ్బులు విత్‌డ్రా చేసుకోవద్దు.సాధారణంగా పీఎఫ్ డబ్బును పదవీ విరమణ చేసిన తర్వాతనే తీసుకోవాలి. అయితే పలు అవసరాల కోసం పీఎఫ్ డబ్బులను ముందుగా కూడా తీసుకోవచ్చు. అయితే ఐదేళ్ల తర్వాత తీసుకుంటే ఎలాంటి పన్ను ఉండదు. దీని కన్నా ముందే తీసుకుంటే పన్ను బాదుడు తప్పదు. పీఎఫ్ డబ్బులను రిటైర్మెంట్ కన్నా ముందు అయితే పూర్తిగా తీసుకోవడం కుదరదు. పీఎఫ్ విత్‌డ్రాపై పరిమితుల ఉంటాయి. మీ అవసరం ప్రాతిపదికన పీఎఫ్ విత్‌డ్రా లిమిట్ మారుతుంది.
