Read also:
సెప్టెంబర్ 1 నుంచి ట్యాక్స్ రూల్స్ చేంజ్
సెప్టెంబర్ 1 నుంచి ట్యాక్స్ సంబంధిత పలు అంశాలు మారనున్నాయి. వాస్తవానికి ఇవి ఏప్రిల్ 1 నుంచి అమలులోకి వస్తాయి. అయితే ఈసారి బడ్జెట్‌ను ఎన్నికల తర్వాత ప్రవేశపెట్టడంతో సెప్టెంబర్ 1 నుంచి మార్పులు అమలులోకి వచ్చాయి. క్యాష్ విత్‌డ్రాయెల్స్ దగ్గరి నుంచి పాన్-ఆధార్ లింక్ వరకు పలు అంశాలు మారాయి. అవేంటంటే.
బ్యాంక్ లేదా పోస్టాఫీస్ కస్టమర్లు ఒక ఆర్థిక సంవత్సరంలో రూ.కోటి లేదా ఆపైన డబ్బుల్ని విత్‌డ్రా చేసుకుంటే.. 2 శాతం టీడీఎస్ చెల్లించాలి.
స్థిరాస్థి కొనుగోలు సమయంలో.. కార్ పార్కింగ్ ఫీజు, ఎలక్ట్రిసిటీ బిల్, వాటర్ ఫెసిలిటీ పీజు, క్లబ్ మెంబర్‌సిప్ ఫీజు, మెయింటెనెన్స్ ఫీజు, అడ్వాన్స్ ఫీజు వంటి వాటిని కూడా ఇకపై ప్రాపర్టీ కొనుగోలు మొత్తం కిందకే చూపించాలి ప్రాపర్టీ పేమెంట్ చెల్లింపు సమయంలోనే వీటికి సంబంధించి టీడీఎస్ కట్ అవుతుంది.
ఒక ఆర్థిక సంవత్సరంలో కాంట్రాక్టర్ లేదా ప్రొఫెషనల్ రూ.50 లక్షల విలువైన చెల్లింపులు స్వీకరిస్తే.. 5 శాతం టీడీఎస్ డిడక్ట్ అవుతుంది.
లైఫ్ ఇన్సూరెన్స్ పాలసీ మెచ్యూరిటీ మొత్తంపై ఇక 5 శాతం టీడీఎస్ కట్ అవుతుంది.ఇది వరకు మెచ్యూరిటీ మొత్తంపై 1 శాతం టీడీఎస్ ఉండేది. ఉదాహరణకు మీ పాలసీ ప్రీమియం విలువ రూ.లక్ష అయితే అప్పుడు బీమా మొత్తం కనీసం రూ.10 లక్షలు ఉండాలి. సెక్షన్ 10(10)డీ కింద అప్పుడు ఎలాంటి ట్యాక్స్ ఉండదు. ఒకవేళ ఈ సెక్షన్ కింద మినహాయింపు లేకపోతే 1 శాతం బదులుగా 5 శాతం టీడీఎస్ కట్ అవుతుంది.
పాన్ కార్డుతో ఆధార్ లింక్ చేసుకొని ఉండకపోతే మీ పాన్ కార్డులు పనిచేయవు. మళ్లీ కొత్త పాన్ కార్డులు తీసుకోవలసి రావొచ్చు.
ఆధార్, పాన్ ఇంటర్‌ఛేంజబిలిటీ సెప్టెంబర్ 1 నుంచి అమలులోకి వచ్చింది. ఇన్‌కమ్ ట్యాక్స్ రిటర్న్స్‌కు ఆధార్ లేదా పాన్ కార్డు ఏదో ఒకదాన్ని ఉపయోగించొచ్చు.
పాన్ కార్డు వారు ఆధార్‌తోనే ఐటీఆర్ సమర్పించొచ్చు. అలాగే పాన్ అవసరం అయిన ప్రతి చోటా ఆధార్ ఉపయోగించొచ్చు.
బ్యాంకులు ఇప్పటిదాకా రూ.50,000, ఆపైన లావాదేవీల వివరాలను స్టేట్‌మెంట్ ఆఫ్ ఫైనాన్షియల్ ట్రాన్సాక్షన్స్ (ఎస్‌ఎఫ్‌టీ) రూపంలో ఆదాయపు పన్ను శాఖకు అందజేసేది. కేంద్రం ఇప్పుడు ఈ పరిమితిని తొలగించింది. అంటే చిన్న మొత్తంలోని లావాదేవీలను కూడా బ్యాంకులు ఇకపై ఐటీ డిపార్ట్‌మెంట్‌కు తెలియజేయాల్సి ఉంటుంది.
