Thursday, September 5, 2019

భూమికి భారీ ముప్పు. గ్రహశకలాన్ని పేల్చేయనున్న నాసా



Read also:

భూమికి భారీ ముప్పు. గ్రహశకలాన్ని పేల్చేయనున్న నాసా


మరికొన్ని భారీ గ్రహశకలాలు భూమిని లక్ష్యంగా చేసుకుని దూసుకొస్తున్నాయి. అవి ఎప్పుడు ఎక్కడ కూలతాయనేది పరిశోధకులు సైతం పూర్తిగా అంచనా వేయలేకపోతున్నారు. స్పేస్‌ఎక్స్‌ సీఈవో ఎలన్‌ మస్క్‌ కూడా ఈ విషయాన్ని స్పష్టం చేశారు. అతి త్వరలో ఓ భారీ గ్రహశకలం భూమిని ఢీకొట్టే ప్రమాదం ఉందని, దాన్ని ఎదుర్కొనేంత సాంకేతికత శక్తి, సామర్థ్యం మన వద్ద లేవని వెల్లడించారు.

ఈ నేపథ్యంలో నేషనల్ ఏరోనాటిక్స్ అండ్ స్పేస్ అడ్మినిస్ట్రేషన్ (NASA), ఐరోపా స్పేస్ ఏజెన్సీ(ESA)లు సంయుక్తంగా ఓ ప్రాజెక్టును చేపట్టేందుకు సిద్ధమవుతున్నాయి. ఈ మేరకు రెండు సంస్థల పరిశోధకులు, స్పేస్‌క్రాఫ్ట్ ఇంజినీర్లు వచ్చే వారం రోమ్‌లో సమావేశం అవుతున్నాయి.
గ్రహశకలాలను దారి మళ్లించడం, భూమిని రక్షించే సాంకేతిక విధానాలు తదితర అంశాలపై చర్చించనున్నారు. ఈ మిషన్‌కు 'ఆస్ట్రాయిడ్ ఇంపాక్ట్ డిఫ్లెక్షన్ అసెస్‌మెంట్ (AIDA)' అని పేరు పెట్టారు.

ఈ మిషన్ ప్రణాళిక ప్రకారం.. అంతరిక్షంలో యుద్ధం చేయనున్నారు. భూమి వైపు దూసుకొస్తున్న గ్రహశకలాన్ని అడ్డుకొనేందుకు రెండు స్పేస్‌క్రాఫ్ట్‌లను అంతరిక్షంలోకి పంపుతారు. అందులో ఒక స్పేస్‌క్రాఫ్ట్ ఆ గ్రహశకలాన్ని ఢీకొట్టి ముక్కలు చేస్తుంది. రెండో ఎయిర్‌క్రాఫ్ట్ విధ్వంసం తర్వాత అక్కడి పరిస్థితిని భూమిపై ఉండే పరిశోధకులకు వివరిస్తుంది. ఈ విధ్వంసం వల్ల గ్రహశకలం ఇసుక, రాళ్లలా విచ్ఛిన్నం అవుతుందని, దీనివల్ల భూమికి ముప్పు తప్పుతుందని భావిస్తున్నారు. అయితే, గ్రహశకలం పరిమాణం పెద్దదిగా ఉంటే పరిస్థితి ఎలా ఉంటుందనే విషయంపైనే పరిశోధకులు సందిగ్ధంలో ఉన్నారు.

సెప్టెంబరు 14న గ్రహశకల గండం: ప్రస్తుతం 2000 QW7 అనే గ్రహశకలం భూమికి 5 మిలియన్ మైళ్ల దూరంలో ఉంది. గంటకు 23 వేల కిమీల వేగంతో దూసుకొస్తోంది. సెప్టెంబర్ 14న ఇది భూమికి అత్యంత దగ్గరగా వస్తుందని అంచనా వేస్తున్నారు. ఆ తర్వాత కూడా దాని గమనం భూమి దిశగా సాగితే ప్రమాదం తప్పదని భావిస్తున్నారు. అది భూమిపై ఎక్కడ పడుతుందనే విషయంపై ఇంకా స్పష్టత రాలేదు.

2029లో మరొకటి: 'అపోఫిస్‌' అనే గ్రహశకలం ఏప్రిల్‌ 13, 2029న భూమిని ఢీకొట్టే అవకాశాలున్నాయని పరిశోధకులు అంచనా వేశారు. దీనికి ఈజిప్టు దేవుడు 'గాడ్‌ ఆఫ్‌ చవోస్‌' పేరు పెట్టారు. ఇది ప్రస్తుతం భూమికి 23,363 మైళ్ల దూరం నుంచి దిశ మార్చుకోవచ్చు లేదా భూమి వైపు దూసుకురావచ్చు. అయితే, అది దిశను మార్చుకునే అవకాశాలు కూడా ఉన్నాయని ట్విస్ట్ ఇచ్చింది. ఇది భూమిని ఢీకొడితే 15,000 వేల అణుబాంబుల శక్తి విడుదల అవుతుందని అంచనా వేస్తున్నారు.

Janardhan Randhi

About Janardhan Randhi

Janardhan Randhi

Subscribe to this Blog via Email :